«Маҳаллада ободлик ва меҳр-саховат ойлиги» ҳамда «Долзарб 40 кунлик» тадбирлари тумандаги маҳаллаларда қизғин паллага кирди.

👍 Бугун эрта тонгдан Мирзо Улуғбек туман ҳокими Боходир Ғайбназаров бошчилигида барча масъуллар саф йиғинини ўтказди. Унда «Камолот» ва «Янги Камолот» маҳаллалари ҳудудида ташкил этиладиган ҳашар жараёнларида амалга ошириладиган ишлар режаси тузиб олинди. Мазкур ишлар юзасидан барча тегишли масъулларга аниқ вазифалар юклатилди.

Ҳашар жараёнларида маҳаллаларнинг санитар ҳолати, ободонлаштириш, болалар майдончалари ва спорт майдонлари ҳолати, ноқонуний қурилмаларни бартараф этиш, коммунал соҳа тармоқларини тартибга келтириш, ички йўллар ҳамда ирригация ариқлари ҳолатига асосий эътибор қаратилади.