Toşkent şahar hokimi tomonidan fuqarolar uçun şaxsiy qabul ötkazildi

✔️Qabul davomida 32 ta murojaat körib çiqildi. 24 ta masala öz joyida hal etildi. Qolgan murojaatlarni esa atrofliça örganib çiqiş talab etiladi: mas’ullarga yetti iş kuni içida zarur çoralarni köriş topşirildi.

🤔Fuqarolar tomonidan ijtimoiy himoya, ta’lim, tibbiy yordam oliş, iqtisodiy nizolar va huquqiy himoya masalalari kötarildi.

Hokim örinbosarlari fuqarolarni doimiy ravişda — haftasiga kamida tört marta qabul qilmoqda. Uşbu qabullarda aholini tegişli yönalişlarga mas’ul bölgan rahbarlar tinglaydi. Şu bilan birga, ayrim masalalar qöşimça örganişni talab etadi, tuzilmaviy murakkabliklar va byurokratik jarayonlar esa masalani hal etiş muddatlariga ta’sir körsatişi mumkin. Şu bois aholi murojaatlari bilan işlaşda şahar hokimining bevosita iştiroki muhim ahamiyatga ega.

🔺Oyiga ikki-uç marta ötkaziladigan “Axborot, hisobot, muloqot” formatidagi işçi uçraşuvlar ham tumanlar aholisi bilan muloqot örnatiş va ularning muammolarini muhokama qiliş maydoniga aylanmoqda.

Şaxsiy qabullar va aholi bilan uçraşuvlar davom ettiriladi. Inson manfaatlari, kötarilgan masalalarni öz vaqtida hal etiş hamda fuqarolarni natijalar haqida xabardor qiliş e’tibor markazidadir.