Чилонзор кўчалари шаҳар дизайн коди асосида янгиланмоқда

Чилонзор тумани ҳокими Саидқахҳор Холхўжаев туманнинг Ислом Каримов ва Фурқат кўчаларида бўлиб, ҳудудларни пойтахтнинг янги дизайн коди талабларига мослаштириш жараёнини ўрганди.

Ўрганишлар давомида асосий эътибор қуйидагиларга қаратилди: 🔹 Фасадлар ва реклама: Турар ва нотурар жойларнинг ташқи қисмини ягона дизайн коди асосида таъмирлаш; 🔹 Замонавий йўлаклар: Пиёдалар йўлакларини қуришда аҳоли учун максимал қулайлик яратиш; 🔹 Ёритиш тизими: Тунги чироқларни янгилаш ва замонавий ёритиш ускуналарини ўрнатиш; 🔹 Экологик муҳит: Яшил ҳудудларни кенгайтириш ва ободонлаштириш.

Туман ҳокими масъулларга ишларни сифатли бажариш ва шаҳар кўринишини эстетик жиҳатдан тартибга солиш бўйича аниқ кўрсатмалар берди.