Бектемирда янги мактаб қад ростламоқда

📍Бектемир туманида замонавий мактаб қурилиши қизғин давом этмоқда. Қурилиш ишлари 2026-йил апрель ойида бошланган бўлиб, янги ўқув йилида фойдаланишга топшириш режалаштирилган. Айни пайтда 200 нафар ишчи 2 сменада меҳнат қилмоқда.

🏀47 та хонадан иборат мактабда фаоллар зали, ошхона, спорт зали ҳамда мини футбол, баскетбол ва волейбол майдонлари ташкил этилди.

🏥Бино замонавий муҳандислик тизимлари билан жиҳозланади: энергия тежамкор LED ёритиш, иситиш-совитиш тизими, видеокузатув ва ёнғин хавфсизлиги тизимлари ўрнатилади. Шунингдек, 125 кВт қувватли қуёш панеллари ўрнатилиши режалаштирилган.

➡️Мактабда инклюзив муҳит яратиш учун пандуслар, махсус санузеллар ва лифт ҳам кўзда тутилган.

🤩Айни пайтда ички пардозлаш, электр ва ташқи коммуникацияларни улаш, ҳудудни ободонлаштириш ҳамда деворий расмлар чизиш ишлари давом этмоқда.