Bektemirda yangi maktab qad rostlamoqda

📍Bektemir tumanida zamonaviy maktab qurilishi qizg‘in davom etmoqda. Qurilish ishlari 2026-yil aprel oyida boshlangan bo‘lib, yangi o‘quv yilida foydalanishga topshirish rejalashtirilgan. Ayni paytda 200 nafar ishchi 2 smenada mehnat qilmoqda.

🏀47 ta xonadan iborat maktabda faollar zali, oshxona, sport zali hamda mini futbol, basketbol va voleybol maydonlari tashkil etildi.

🏥Bino zamonaviy muhandislik tizimlari bilan jihozlanadi: energiya tejamkor LED yoritish, isitish-sovitish tizimi, videokuzatuv va yong‘in xavfsizligi tizimlari o‘rnatiladi. Shuningdek, 125 kVt quvvatli quyosh panellari o‘rnatilishi rejalashtirilgan.

➡️Maktabda inklyuziv muhit yaratish uchun panduslar, maxsus sanuzellar va lift ham ko‘zda tutilgan.

🤩Ayni paytda ichki pardozlash, elektr va tashqi kommunikatsiyalarni ulash, hududni obodonlashtirish hamda devoriy rasmlar chizish ishlari davom etmoqda.