Xalq deputatlari Toshkent shahar Kengashining yigirma yettinchi sessiyasi bo‘lib o‘tdi

Xalq deputatlari Toshkent shahar Kengashining yigirma yettinchi sessiyasida poytaxtning ijtimoiy-iqtisodiy rivoji, shahar infratuzilmasi, jamoat transporti, bandlik, investitsiyalar hamda aholi manfaatlariga daxldor qator muhim masalalar ko‘rib chiqildi.

Sessiya kun tartibidan quyidagi masalalar o‘rin oldi:
— qo‘shimcha zaxira va imkoniyatlarni safarbar etish bo‘yicha ishlab chiqilgan “yo‘l xaritalari”ni tasdiqlash;
— jamoat transportida yo‘lkira haqi tarifini belgilash masalasini muhokama qilish;
— “Manfaatlar to‘qnashuvi to‘g‘risida”gi Qonun ijrosi ta’minlanishi holati;
— tashqi reklama va axborot obyektlarini o‘rnatish loyihalarini ko‘rib chiqish;
— ayrim aholi punktlarining tarkibiy qismlarini nomlash va qayta nomlash;
— davlat-xususiy sheriklik loyihalarining manzilli ro‘yxatini tasdiqlash;
— davlat dasturlari doirasida kredit ajratilishi, ulardan samarali va maqsadli foydalanish hamda loyihalarning ishga tushirilishi holati;
— importni optimallashtirish, mahalliy ishlab chiqarishni rag‘batlantirish;
— xalqaro moliya institutlari va tashkilotlari ishtirokidagi investitsiya loyihalarini ko‘rib chiqish;
— kasbiy ta’lim tizimida amalga oshirilgan ishlar;
— Toshkent shahrida ishsizlik va bandlik, xususan, jazoni ijro etish muassasalaridan qaytgan shaxslarning bandligini ta’minlash holati;
— o‘zboshimchalik bilan egallab olingan yer uchastkalari hamda ularda qurilgan bino va inshootlarga bo‘lgan huquqlarni e’tirof etish.

✔️Kun tartibidagi masalalar yuzasidan tegishli axborot va hisobotlar tinglanib, deputatlar tomonidan muhokama qilindi.

▫️Muhokamalar davomida sohalarda mavjud muammo va kamchiliklar yuzasidan fikr-mulohazalar bildirildi, ularni bartaraf etish hamda tegishli yo‘nalishlardagi ishlar samaradorligini oshirish masalalariga e’tibor qaratildi.