Кўкалдош мадрасаси Чорсу
майдонида, тепаликда жойлашган бўлиб, ҳатто ундан-да баландроқ бинолар — Ҳожи
Аҳрор Вали жума масжиди ва яқинда бузиб ташланган Чорсу меҳмонхонасига яқин
жойлашганига қарамай, савлат тўкиб турибти.
Кўкалдош 1570 йилда хоннинг эмикдош (кўкалдош) акаси бўлган ҳоким Дарвешхон томонидан қурилган, деб тахмин қилинади ва шунинг учун ҳам шундай номланган. Асрлар давомида бино бир неча марта ўзгаришларга учраган: айрим қисмлари хомғишт учун бузиб олинган, кейин қайта тикланган. 18 асрда у ерда савдогарлар учун карвонсарой бўлган.
1868 ва 1886 йиллардаги зилзилалар оқибатида бино қаттиқ зарар кўрган, маҳобатли пештоқи вайрон бўлиб, иморат деярли бир аср давомида пештоқсиз турган. 1950 йилларда иншоот қолдиқларида ёзги кинотеатр фаолият кўрсатган.
Пештоқ ўтган асрнинг 1960 йилларида, фасаднинг ён томонларидаги миноралар эса 1970 йилларда қайта тикланган.
Ҳозирда таъмирланган Кўкалдош ўзининг асл мақсадига кўра фойдаланилмоқда — мадрасада "Кўкалдош" ўрта махсус ислом билим юрти жойлашган. Аммо бино ҳамон сайёҳлар учун энг диққатга сазовор жойлардан бири бўлиб қолмоқда.
Википедиядан олинган сурат.
2007 йилда мақбараси яқин атрофда жойлашган буюк илоҳиётчи ва аллома Қаффол аш-Шоший шарафига Ҳасти...
Барча тошкентликлар Яҳё Ғуломов ва Истиқбол кўчалари бурчагида жойлашган Франция элчихонаси биносиг...
1968-йилда Киров кўчасида ўша давр учун замонавий Билим уйи 600 ўринли зал билан очибди. Кўп йиллар...
Бино ҳар бир тошкентликка яхши таниш: деярли 80 йил давомида у Хадра майдонини ва Навоий ҳамда Фурқ...